اردو اردو

قسم ہے طور کی

کشادہ ورقوں میں

اور اونچی چھت کی

بے شک آپ کے رب کا عذاب واقع ہوکر رہے گا

جس دن آسمان تھرتھرا کر لرزنے لگے گا

پس اس دن جھٹلانے والوں کے لیے ہلاکت ہے

جس دن وہ دوزخ کی آگ کی طرف بری طرح سے دھکیلے جائیں گے

پس کیایہ جادو ہے یا تم دیکھتے نہیں

بے شک پرہیز گار باغوں اور نعمتوں میں ہوں گے

مزے سے کھاؤ اور پیو بدلے ان (اعمال) کے جو تم کیا کرتے تھے

اور جو لوگ ایمان لائے اور ان کی اولاد نے ایمان میں ان کی پیروی کی ہم ان کے ساتھ ان کی اولاد کو بھی (جنت) میں ملا دیں گے اور ان کے عمل میں سے کچھ بھی کم نہ کریں گے ہر شخص اپنے عمل کے ساتھ وابستہ ہے

وہاں ایک دوسرے سے شراب کا پیالہ لیں گے جس میں نہ بکواس ہو گی نہ گناہ کا کام

اورایک دوسرے کی طرف متوجہ ہو کر آپس میں پوچھیں گے

پس الله نے ہم پر احسان کیا اور ہمیں لُو کے عذاب سے بچا لیا

پس نصیحت کرتے رہئے آپ اپنے رب کے فضل سے نہ کاہن ہیں نہ دیوانہ ہیں

کہہ دو تم انتظار کرتے رہو بے شک میں بھی تمہارے ساتھ منتظر ہوں

یا وہ کہتے ہیں کہ اس نے اسے خود بنا لیا ہے بلکہ وہ ایمان ہی نہیں لاتے

کیا وہ بغیر کسی خالق کے پیدا ہو گئے ہیں یا وہ خود خالق ہیں

کیا ان کے پاس آپ کے رب کے خزانے ہیں یا وہ داروغہ ہیں

کیا اس کے لیے توبیٹیاں ہیں اور تمہارے لیے بیٹے

یا ان کے پاس علم غیب ہے کہ وہ اسے لکھتے رہتے ہیں

کیا سوائے الله کے ان کا کوئی اور معبود ہے الله اس سےپاک ہے جو وہ شریک ٹھہراتے ہیں

پس آپ انہیں چھوڑ دیجیئے یہاں تک کہ وہ اپنا وہ دن دیکھ لیں جس میں وہ بے ہوش ہو کر گر پڑیں گے

اوربے شک ان ظالموں کو علاوہ اس کے ایک عذاب (دنیا میں) ہوگا لیکن اکثر ان میں سے نہیں جانتے

اور (کچھ حصہ رات میں بھی) اس کی تسبیح کیا کیجیئے اور ستاروں کے غروب ہونے کے بعد بھی