Mëranaw Guro Alim Saromantang
Surah Ar-Rahman ( The Most Graciouse ) - Aya count 78
الرَّحْمَٰنُ
( 1 ) 
So (Allah a) Masalinggagaw!
عَلَّمَ الْقُرْآنَ
( 2 ) I mindao ko Qor´an.
خَلَقَ الْإِنسَانَ
( 3 ) Inadn Iyan so manosiya,
عَلَّمَهُ الْبَيَانَ
( 4 ) Na inindao Niyan on so lalag.
الشَّمْسُ وَالْقَمَرُ بِحُسْبَانٍ
( 5 ) So alongan ago so olan na sii ko itongan.
وَالنَّجْمُ وَالشَّجَرُ يَسْجُدَانِ
( 6 ) Na so mangngto a pndonapa, go so manga kayo na mangangalimbabaan siran (ko Masalinggagaw).
وَالسَّمَاءَ رَفَعَهَا وَوَضَعَ الْمِيزَانَ
( 7 ) Na so langit na iniporo Iyan skaniyan, go inadn Iyan so timbangan,
أَلَّا تَطْغَوْا فِي الْمِيزَانِ
( 8 ) Ka ang kano di khapokas ko ontol;
وَأَقِيمُوا الْوَزْنَ بِالْقِسْطِ وَلَا تُخْسِرُوا الْمِيزَانَ
( 9 ) Na pakambatanga niyo so kathimbang ko kaontol, go di kano phangorang ko timbangan.
وَالْأَرْضَ وَضَعَهَا لِلْأَنَامِ
( 10 ) Na so lopa na kiyayat Iyan skaniyan sa baba a rk o manga kaadn:
فِيهَا فَاكِهَةٌ وَالنَّخْلُ ذَاتُ الْأَكْمَامِ
( 11 ) Katatagoan sa manga onga, go manga korma, a khibobongkosan,
وَالْحَبُّ ذُو الْعَصْفِ وَالرَّيْحَانُ
( 12 ) Go so manga onga a maroni, a adn a manga inoot iyan ago so mamot.
فَبِأَيِّ آلَاءِ رَبِّكُمَا تُكَذِّبَانِ
( 13 ) Na anda ko manga limo o Kadnan iyo, i pagongkirn niyo?
خَلَقَ الْإِنسَانَ مِن صَلْصَالٍ كَالْفَخَّارِ
( 14 ) Inadn Iyan so manosiya a phoon ko botha, a gango, a lagid o kiyomba,
وَخَلَقَ الْجَانَّ مِن مَّارِجٍ مِّن نَّارٍ
( 15 ) Go inadn Iyan so jinn a phoon ko kadg o apoy:
فَبِأَيِّ آلَاءِ رَبِّكُمَا تُكَذِّبَانِ
( 16 ) Na anda ko manga limo o Kadnan iyo, i pagongkirn niyo?
رَبُّ الْمَشْرِقَيْنِ وَرَبُّ الْمَغْرِبَيْنِ
( 17 ) Kadnan o dowa a sbangan, go Kadnan o dowa a sdpan!
فَبِأَيِّ آلَاءِ رَبِّكُمَا تُكَذِّبَانِ
( 18 ) Na anda ko manga limo o Kadnan iyo, i pagongkirn niyo?
مَرَجَ الْبَحْرَيْنِ يَلْتَقِيَانِ
( 19 ) Biyotawanan Iyan so dowa a kalodan, a gii makambaratmowa:
بَيْنَهُمَا بَرْزَخٌ لَّا يَبْغِيَانِ
( 20 ) Kaaltan a dowa oto sa rnding; a di makapzmbor:
فَبِأَيِّ آلَاءِ رَبِّكُمَا تُكَذِّبَانِ
( 21 ) Na anda ko manga limo o Kadnan iyo, i pagongkirn niyo?
يَخْرُجُ مِنْهُمَا اللُّؤْلُؤُ وَالْمَرْجَانُ
( 22 ) Pphakagmaw a phoon sa dowa nan so manga tipay, go so manga koralis:
فَبِأَيِّ آلَاءِ رَبِّكُمَا تُكَذِّبَانِ
( 23 ) Na anda ko manga limo o Kadnan iyo, i pagongkirn niyo?
وَلَهُ الْجَوَارِ الْمُنشَآتُ فِي الْبَحْرِ كَالْأَعْلَامِ
( 24 ) Na rk Iyan so pphlalatas, a miyanga-aadn ko kalodan, a lagid o manga palaw:
فَبِأَيِّ آلَاءِ رَبِّكُمَا تُكَذِّبَانِ
( 25 ) Na anda ko manga limo o Kadnan iyo, i pagongkirn niyo?
كُلُّ مَنْ عَلَيْهَا فَانٍ
( 26 ) Oman i matatago ko lopa na khada;
وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ
( 27 ) Na aya bo a khalamba na so dhat o Kadnan ka, - a Khirk ko kabsaran, ago so kapangalimo: -
فَبِأَيِّ آلَاءِ رَبِّكُمَا تُكَذِّبَانِ
( 28 ) Na anda ko manga limo o Kadnan iyo, i pagongkirn niyo?
يَسْأَلُهُ مَن فِي السَّمَاوَاتِ وَالْأَرْضِ ۚ كُلَّ يَوْمٍ هُوَ فِي شَأْنٍ
( 29 ) Makapphamangni Rkaniyan so zisii ko manga langit go so lopa: Oman gawii na Skaniyan na zisii ko btad Iyan!
فَبِأَيِّ آلَاءِ رَبِّكُمَا تُكَذِّبَانِ
( 30 ) Na anda ko manga limo o Kadnan iyo, i pagongkirn niyo?
سَنَفْرُغُ لَكُمْ أَيُّهَ الثَّقَلَانِ
( 31 ) Phamagitongn Ami skano dn, hay dowa a kappndan (a manga manosiya ago manga jinn)!
فَبِأَيِّ آلَاءِ رَبِّكُمَا تُكَذِّبَانِ
( 32 ) Na anda ko manga limo o Kadnan iyo, i pagongkirn niyo?
يَا مَعْشَرَ الْجِنِّ وَالْإِنسِ إِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا ۚ لَا تَنفُذُونَ إِلَّا بِسُلْطَانٍ
( 33 ) Hay kasamasama o manga jinn, go manga manosiya! O khagaga niyo a kalambasa niyo ko piphisopisokan o manga langit, go so lopa, na lambasa niyo. Di niyo malambas odi misabap sa bagr!
فَبِأَيِّ آلَاءِ رَبِّكُمَا تُكَذِّبَانِ
( 34 ) Na anda ko manga limo o Kadnan iyo, i pagongkirn niyo?
يُرْسَلُ عَلَيْكُمَا شُوَاظٌ مِّن نَّارٍ وَنُحَاسٌ فَلَا تَنتَصِرَانِ
( 35 ) Mbotawanan rkano so kadg o apoy, go so bl, na di niyo dn marn:
فَبِأَيِّ آلَاءِ رَبِّكُمَا تُكَذِّبَانِ
( 36 ) Na anda ko manga limo o Kadnan iyo, i pagongkirn niyo?
فَإِذَا انشَقَّتِ السَّمَاءُ فَكَانَتْ وَرْدَةً كَالدِّهَانِ
( 37 ) Na amay ka maopak so langit na mbaloy a paras a obarobar, a lagid o kobal a mariga:
فَبِأَيِّ آلَاءِ رَبِّكُمَا تُكَذِّبَانِ
( 38 ) Na anda ko manga limo o Kadnan iyo, i pagongkirn niyo?
فَيَوْمَئِذٍ لَّا يُسْأَلُ عَن ذَنبِهِ إِنسٌ وَلَا جَانٌّ
( 39 ) Na sa alongan oto na di ipagiza ko manosiya so dosa niyan, go di ipagiza ko jinn:
فَبِأَيِّ آلَاءِ رَبِّكُمَا تُكَذِّبَانِ
( 40 ) Na anda ko manga limo o Kadnan iyo, i pagongkirn niyo?
يُعْرَفُ الْمُجْرِمُونَ بِسِيمَاهُمْ فَيُؤْخَذُ بِالنَّوَاصِي وَالْأَقْدَامِ
( 41 ) Makikilala so manga baradosa sabap ko manga tanda iran: Na gii nggagandrn sii ko manga ombonombonan, go so manga parapara!
فَبِأَيِّ آلَاءِ رَبِّكُمَا تُكَذِّبَانِ
( 42 ) Na anda ko manga limo o Kadnan iyo, i pagongkirn niyo?
هَٰذِهِ جَهَنَّمُ الَّتِي يُكَذِّبُ بِهَا الْمُجْرِمُونَ
( 43 ) Giyaya so naraka Jahannam a so phagongkirn skaniyan o manga baradosa:
يَطُوفُونَ بَيْنَهَا وَبَيْنَ حَمِيمٍ آنٍ
( 44 ) Makapphagaloyan siran ko lt iyan go lt o phlikabo a ig, a sangat a mayaw!
فَبِأَيِّ آلَاءِ رَبِّكُمَا تُكَذِّبَانِ
( 45 ) Na anda ko manga limo o Kadnan iyo, i pagongkirn niyo?
وَلِمَنْ خَافَ مَقَامَ رَبِّهِ جَنَّتَانِ
( 46 ) Na adn a bagian o taw a inikalk iyan so kapakatindg iyan ko hadapan o Kadnan iyan, a dowa a sorga:
فَبِأَيِّ آلَاءِ رَبِّكُمَا تُكَذِّبَانِ
( 47 ) Na anda ko manga limo o Kadnan iyo, i pagongkirn niyo?
ذَوَاتَا أَفْنَانٍ
( 48 ) A romarangiran.
فَبِأَيِّ آلَاءِ رَبِّكُمَا تُكَذِّبَانِ
( 49 ) Na anda ko manga limo o Kadnan iyo, i pagongkirn niyo?
فِيهِمَا عَيْنَانِ تَجْرِيَانِ
( 50 ) Katatagoan a dowa oto sa dowa a bowalan a pphamangondas.
فَبِأَيِّ آلَاءِ رَبِّكُمَا تُكَذِّبَانِ
( 51 ) Na anda ko manga limo o Kadnan iyo, i pagongkirn niyo?
فِيهِمَا مِن كُلِّ فَاكِهَةٍ زَوْجَانِ
( 52 ) Katatagoan a dowa oto sa mbarambarang a onga, a ndodowa soson.
فَبِأَيِّ آلَاءِ رَبِّكُمَا تُكَذِّبَانِ
( 53 ) Na anda ko manga limo o Kadnan iyo, i pagongkirn niyo?
مُتَّكِئِينَ عَلَىٰ فُرُشٍ بَطَائِنُهَا مِنْ إِسْتَبْرَقٍ ۚ وَجَنَى الْجَنَّتَيْنِ دَانٍ
( 54 ) Gii siran zasanda sandang ko manga igaan, a so manga didalm iyan na sotra a makapal: Na so kaphropoa ko onga o dowa a pamomolan na marani.
فَبِأَيِّ آلَاءِ رَبِّكُمَا تُكَذِّبَانِ
( 55 ) Na anda ko manga limo o Kadnan iyo, i pagongkirn niyo?
فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنسٌ قَبْلَهُمْ وَلَا جَانٌّ
( 56 ) Katatagoan oto sa (manga bai a) manga thatangka i kaylay, a da a miyakabatal kiran a manosiya ko onaan o manga karoma iran, antawaa jinn.
فَبِأَيِّ آلَاءِ رَبِّكُمَا تُكَذِّبَانِ
( 57 ) Na anda ko manga limo o Kadnan iyo, i pagongkirn niyo?
كَأَنَّهُنَّ الْيَاقُوتُ وَالْمَرْجَانُ
( 58 ) Lagid oba siran montiya a Yaakot, go Marjan.
فَبِأَيِّ آلَاءِ رَبِّكُمَا تُكَذِّبَانِ
( 59 ) Na anda ko manga limo o Kadnan iyo, i pagongkirn niyo?
هَلْ جَزَاءُ الْإِحْسَانِ إِلَّا الْإِحْسَانُ
( 60 ) Ba adn a imbalas ko kaphiyapiya a rowar ko kaphiyapiya?
فَبِأَيِّ آلَاءِ رَبِّكُمَا تُكَذِّبَانِ
( 61 ) Na anda ko manga limo o Kadnan iyo, i pagongkirn niyo?
وَمِن دُونِهِمَا جَنَّتَانِ
( 62 ) Na adn a salakaw roo pn a dowaa sorga.
فَبِأَيِّ آلَاءِ رَبِّكُمَا تُكَذِّبَانِ
( 63 ) Na anda ko manga limo o Kadnan iyo, i pagongkirn niyo?
مُدْهَامَّتَانِ
( 64 ) Miyagadogadong a dowa oto.
فَبِأَيِّ آلَاءِ رَبِّكُمَا تُكَذِّبَانِ
( 65 ) Na anda ko manga limo o Kadnan iyo, i pagongkirn niyo?
فِيهِمَا عَيْنَانِ نَضَّاخَتَانِ
( 66 ) Katatagoan a dowa oto sa dowa a bowalan, a mipapantos.
فَبِأَيِّ آلَاءِ رَبِّكُمَا تُكَذِّبَانِ
( 67 ) Na anda ko manga limo o Kadnan iyo, i pagongkirn niyo?
فِيهِمَا فَاكِهَةٌ وَنَخْلٌ وَرُمَّانٌ
( 68 ) Katatagoan a dowa oto sa manga onga, go korma, go dalima.
فَبِأَيِّ آلَاءِ رَبِّكُمَا تُكَذِّبَانِ
( 69 ) Na anda ko manga limo o Kadnan iyo, i pagongkirn niyo?
فِيهِنَّ خَيْرَاتٌ حِسَانٌ
( 70 ) Katatagoan oto sa (manga bai a) manga pipiya (i parangay), a manga tataid.
فَبِأَيِّ آلَاءِ رَبِّكُمَا تُكَذِّبَانِ
( 71 ) Na anda ko manga limo o Kadnan iyo, i pagongkirn niyo?
حُورٌ مَّقْصُورَاتٌ فِي الْخِيَامِ
( 72 ) A manga lalano, a khigigibonn ko manga lamin,
فَبِأَيِّ آلَاءِ رَبِّكُمَا تُكَذِّبَانِ
( 73 ) Na anda ko manga limo o Kadnan iyo, i pagongkirn niyo?
لَمْ يَطْمِثْهُنَّ إِنسٌ قَبْلَهُمْ وَلَا جَانٌّ
( 74 ) Daa miyakabatal kiran a manosiya, ko onaan o manga karoma iran antawaa jinn.
فَبِأَيِّ آلَاءِ رَبِّكُمَا تُكَذِّبَانِ
( 75 ) Na anda ko manga limo o Kadnan iyo, i pagongkirn niyo?
مُتَّكِئِينَ عَلَىٰ رَفْرَفٍ خُضْرٍ وَعَبْقَرِيٍّ حِسَانٍ
( 76 ) Gii siran zasanda sandang ko manga ontoda, a gadong, go manga paramadali, a manga tatanos.
فَبِأَيِّ آلَاءِ رَبِّكُمَا تُكَذِّبَانِ
( 77 ) Na anda ko manga limo o Kadnan iyo, i pagongkirn niyo?
تَبَارَكَ اسْمُ رَبِّكَ ذِي الْجَلَالِ وَالْإِكْرَامِ
( 78 ) Maporo so ngaran o Kadnan ka, a Khirk ko kabsaran, ago so kapangalimo!
