Surah As-Saff ( The Row )

Mëranaw Guro Alim Saromantang

Surah As-Saff ( The Row ) - Aya count 14

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ ( 1 )

Pthasbik ko Allah so nganin a zisii ko manga langit ago so zisii ko lopa: Go Skaniyan so Mabagr, a Mawngangn.

يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ ( 2 )

Hay so miyamaratiyaya, ino niyo gii tharoa so di niyo bo pnggolawlaan?

كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ ( 3 )

Miyakala a rarangit a phoon ko Allah sa gii niyo katharoa ko di niyo bo pnggolawlaan.

إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ ( 4 )

Mataan! a so Allah na pkhababayaan Iyan so gii siran makimbonoay sii ko lalan Rkaniyan a zisinnday; miyakaibarat siran ko kambalay a piyakanddkta.

وَإِذْ قَالَ مُوسَىٰ لِقَوْمِهِ يَا قَوْمِ لِمَ تُؤْذُونَنِي وَقَد تَّعْلَمُونَ أَنِّي رَسُولُ اللَّهِ إِلَيْكُمْ ۖ فَلَمَّا زَاغُوا أَزَاغَ اللَّهُ قُلُوبَهُمْ ۚ وَاللَّهُ لَا يَهْدِي الْقَوْمَ الْفَاسِقِينَ ( 5 )

Na goani na pitharo o Mosa ko pagtaw niyan: "Hay pagtaw akn, ino ako niyo dii ziyantaa, a sabnar a katawan iyo a mataan! a sakn na sogo o Allah sii rkano?" Na kagiya a sominilay siran, na piyakasilay o Allah so manga poso iran. Na so Allah na di Niyan thoroon so pagtaw a manga songklid.

وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُم مُّصَدِّقًا لِّمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِن بَعْدِي اسْمُهُ أَحْمَدُ ۖ فَلَمَّا جَاءَهُم بِالْبَيِّنَاتِ قَالُوا هَٰذَا سِحْرٌ مُّبِينٌ ( 6 )

Na gowani na pitharo o Eysa a wata o Maryam: "Hay manga moriyataw o Israil, mataan! a sakn na sogo o Allah sii rkano, a tomatanto ko miyaonaan ko a Tawrat, go phanothol ko sogo a phakatalingoma ko oriyan ko, a aya ngaran iyan na so Ahmad". Na kagiya a miyoma niyan kiran so manga rarayag a karina, na pitharo iran: "Giyaya na balik mata a mapayag!"

وَمَنْ أَظْلَمُ مِمَّنِ افْتَرَىٰ عَلَى اللَّهِ الْكَذِبَ وَهُوَ يُدْعَىٰ إِلَى الْإِسْلَامِ ۚ وَاللَّهُ لَا يَهْدِي الْقَوْمَ الظَّالِمِينَ ( 7 )

Na ba adn a taw a makalawan a daroaka ko taw a iniangkob iyan ko Allah, so kabokhag, a skaniyan na pthawagn ko Islam? Na so Allah na di Niyan thoroon so pagtaw a manga daroaka.

يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ ( 8 )

Kabaya iran a iphadng iran ko sindaw o Allah so manga ngari iran; a so Allah na tharotopn Iyan so sindaw Niyan, apiya miyagoad so manga kapir.

هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ ( 9 )

Skaniyan so somiyogo ko sogo Iyan a rakhs o toroan ago so agama a bnar, ka phakilangkoloban Iyan on so agama sa kalangolangoan iyan, apiya miyagoad so manga pananakoto.

يَا أَيُّهَا الَّذِينَ آمَنُوا هَلْ أَدُلُّكُمْ عَلَىٰ تِجَارَةٍ تُنجِيكُم مِّنْ عَذَابٍ أَلِيمٍ ( 10 )

Hay so miyamaratiyaya, ba Ko rkano thoroon so kandagang a makasabt rkano ko siksa a malipds?

تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ ( 11 )

So kaparatiyayaa niyo ko Allah go so sogo Iyan, go so kipanagontamann iyo sa lalan ko Allah, ko manga tamok iyo, go so manga ginawa niyo: Giyoto man i mapiya rkano, o skano na katawan niyo!

يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِن تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ۚ ذَٰلِكَ الْفَوْزُ الْعَظِيمُ ( 12 )

Napi Niyan rkano so manga dosa niyo, go pakasoldn kano Niyan ko manga sorga, a pphamangondas ko kababaan iyan so manga lawasayg, go manga darpa a manga tatanos sii ko manga sorga a tatap: Giyoto man so daag a mala;

وَأُخْرَىٰ تُحِبُّونَهَا ۖ نَصْرٌ مِّنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ ( 13 )

Go adn a salakaw pn a pkhababayaan iyo skaniyan; tabang a phoon ko Allah go daag a masipg. Na pphamanotholing ka sa mapiya so miyamaratiyaya.

يَا أَيُّهَا الَّذِينَ آمَنُوا كُونُوا أَنصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنصَارُ اللَّهِ ۖ فَآمَنَت طَّائِفَةٌ مِّن بَنِي إِسْرَائِيلَ وَكَفَرَت طَّائِفَةٌ ۖ فَأَيَّدْنَا الَّذِينَ آمَنُوا عَلَىٰ عَدُوِّهِمْ فَأَصْبَحُوا ظَاهِرِينَ ( 14 )

Hay miyamaratiyaya, mbaloy kano a manga tabanga o Allah: Izan o kiyatharoa o Eysa a wata o Maryam ko manga Hawariyyon a: "Antawaa i manga tabanga akn sii ko Allah?" Pitharo o manga Hawariyyon: "Skami i manga tabanga o Allah". Na miyaratiyaya so sabaad ko manga moriyataw o Israil, na miyongkir so sabaad. Na piyakabagr Ami so miyamaratiyaya, ko kizosogataan iran ko ridoay ran, na miyabaloy siran a miyamakadaag.