Mëranaw Guro Alim Saromantang
Surah Al-Mursalat ( Those sent forth ) - Aya count 50
وَالْمُرْسَلَاتِ عُرْفًا
( 1 ) 
Ibt ko pphamanogo on, a dii makathondotondog,
فَالْعَاصِفَاتِ عَصْفًا
( 2 ) Go so pphamanambr sa mabands,
وَالنَّاشِرَاتِ نَشْرًا
( 3 ) Go so pphamayapat (ko oran) sa samporna a kapamayapat,
فَالْفَارِقَاتِ فَرْقًا
( 4 ) Go so gii makazsnggaya sa samporna a kasnggai,
فَالْمُلْقِيَاتِ ذِكْرًا
( 5 ) Go so pphamamgay sa pananadm (a manga malaikat).
عُذْرًا أَوْ نُذْرًا
( 6 ) Kapamokas sa kataksilan, odi na kapamakaiktiyar,
إِنَّمَا تُوعَدُونَ لَوَاقِعٌ
( 7 ) Mataan! a so diyandi rkano (a mapnggolawla ko alongan a qiyamah) na phakatana dn.
فَإِذَا النُّجُومُ طُمِسَتْ
( 8 ) Na amay ka so manga bitoon na mapadng,
وَإِذَا السَّمَاءُ فُرِجَتْ
( 9 ) Go amay ka so langit na mabnsad,
وَإِذَا الْجِبَالُ نُسِفَتْ
( 10 ) Go amay ka so manga palaw na mamangikayambr.
وَإِذَا الرُّسُلُ أُقِّتَتْ
( 11 ) Go amay ka so manga sogo na limodn ko wakto a mappnto,
لِأَيِّ يَوْمٍ أُجِّلَتْ
( 12 ) Antonaa i alongan a tiyaalik?
لِيَوْمِ الْفَصْلِ
( 13 ) Sii ko alongan a kokoman.
وَمَا أَدْرَاكَ مَا يَوْمُ الْفَصْلِ
( 14 ) Na antonaa i miyakandao rka o antonaa i alongan a kokoman?
وَيْلٌ يَوْمَئِذٍ لِّلْمُكَذِّبِينَ
( 15 ) Kabinasa sa alongan oto, a bagian o piyamakambokhag iran aya!
أَلَمْ نُهْلِكِ الْأَوَّلِينَ
( 16 ) Ba Ami da binasaa so miyangaoona?
ثُمَّ نُتْبِعُهُمُ الْآخِرِينَ
( 17 ) Oriyan iyan na ipthondog Ami kiran so miyangaoori
كَذَٰلِكَ نَفْعَلُ بِالْمُجْرِمِينَ
( 18 ) Lagid oto man a ikhidia Mi ko manga baradosa.
وَيْلٌ يَوْمَئِذٍ لِّلْمُكَذِّبِينَ
( 19 ) Kabinasa sa alongan oto, a bagian o miyamanaplis!
أَلَمْ نَخْلُقكُّم مِّن مَّاءٍ مَّهِينٍ
( 20 ) Ba Ami skano da adna a phoon sa ig a malmk?
فَجَعَلْنَاهُ فِي قَرَارٍ مَّكِينٍ
( 21 ) Na tiyago Ami oto ko darpa a mapapalihara,
إِلَىٰ قَدَرٍ مَّعْلُومٍ
( 22 ) Taman ko diyangka a katawan,
فَقَدَرْنَا فَنِعْمَ الْقَادِرُونَ
( 23 ) Na pindidiyangka Ami. Na sayana Kami a mapiya a mindidiyangka!
وَيْلٌ يَوْمَئِذٍ لِّلْمُكَذِّبِينَ
( 24 ) Kabinasa ko alongan oto, a bagian o miyamanaplis!
أَلَمْ نَجْعَلِ الْأَرْضَ كِفَاتًا
( 25 ) Ba Ami da baloya so lopa a maka-aangkos,
أَحْيَاءً وَأَمْوَاتًا
( 26 ) Ko manga oyagoyag ago so miyamatay,
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا
( 27 ) Go piyakabknan Ami oto sa manga palaw a manga poporo, go piyakaynom Ami skano sa ig a tabang?
وَيْلٌ يَوْمَئِذٍ لِّلْمُكَذِّبِينَ
( 28 ) Kabinasa sa alongan oto, a bagian o miyamanaplis!
انطَلِقُوا إِلَىٰ مَا كُنتُم بِهِ تُكَذِّبُونَ
( 29 ) (Ptharoon kiran:) "Song kano ko piyakambokhag iyo skaniyan!
انطَلِقُوا إِلَىٰ ظِلٍّ ذِي ثَلَاثِ شُعَبٍ
( 30 ) "Song kano ko along a tlo sai -
لَّا ظَلِيلٍ وَلَا يُغْنِي مِنَ اللَّهَبِ
( 31 ) "Di khasirongan, go di khirn ko kadg.
إِنَّهَا تَرْمِي بِشَرَرٍ كَالْقَصْرِ
( 32 ) "Mataan aya! a ipphllbad iyan so manga kotokoto a apoy a datar o manga torogan.
كَأَنَّهُ جِمَالَتٌ صُفْرٌ
( 33 ) "Lagid oba oto manga onta a manga bibinaning."
وَيْلٌ يَوْمَئِذٍ لِّلْمُكَذِّبِينَ
( 34 ) Kabinasa sa alongan oto, a bagian o miyamanaplis!
هَٰذَا يَوْمُ لَا يَنطِقُونَ
( 35 ) Giyaya so alongan a di siran makaptharo,
وَلَا يُؤْذَنُ لَهُمْ فَيَعْتَذِرُونَ
( 36 ) Go di kiran iphangonot, ka oba siran makapamitowa.
وَيْلٌ يَوْمَئِذٍ لِّلْمُكَذِّبِينَ
( 37 ) Sangat a siksa sa alongan oto, a bagian o miyamanaplis!
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ
( 38 ) Giyaya so alongan a kokoman: Linimod Ami skano a rakhs o miyangaoona!
فَإِن كَانَ لَكُمْ كَيْدٌ فَكِيدُونِ
( 39 ) Na o adn a ikmat iyo, na ikmat Ako niyo!
وَيْلٌ يَوْمَئِذٍ لِّلْمُكَذِّبِينَ
( 40 ) Sangat a siksa sa alongan oto, a rk o miyamanaplis!
إِنَّ الْمُتَّقِينَ فِي ظِلَالٍ وَعُيُونٍ
( 41 ) Mataan! a so miyamananggila, na sii ko khikasisirongan ago manga bowalan,
وَفَوَاكِهَ مِمَّا يَشْتَهُونَ
( 42 ) Ago manga onga, a pd ko pkhababayaan iran.
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ
( 43 ) (Ptharoon kiran:) "Kang kano, go inom kano sa kapipiya ginawa sabap ko pinggolawla niyo (a mapiya)."
إِنَّا كَذَٰلِكَ نَجْزِي الْمُحْسِنِينَ
( 44 ) Mataan! a Skami na lagid oto man a kambalasi Ami ko miphipiyapiya.
وَيْلٌ يَوْمَئِذٍ لِّلْمُكَذِّبِينَ
( 45 ) Sangat a siksa sa alongan oto, a rk o miyamanaplis!
كُلُوا وَتَمَتَّعُوا قَلِيلًا إِنَّكُم مُّجْرِمُونَ
( 46 ) Kang kano go khariyala kano sa di mathay. Mataan! a skano na manga sala.
وَيْلٌ يَوْمَئِذٍ لِّلْمُكَذِّبِينَ
( 47 ) Sangat a siksa sa alongan oto, a rk o miyamanaplis!
وَإِذَا قِيلَ لَهُمُ ارْكَعُوا لَا يَرْكَعُونَ
( 48 ) Na igira a pitharo kiran a: "(Zambayang kano sa) Pangalimbabaang kano! Na di siran phangalimbabaan."
وَيْلٌ يَوْمَئِذٍ لِّلْمُكَذِّبِينَ
( 49 ) Sangat a siksa sa alongan oto, a rk o piyakambokhag iran aya!
فَبِأَيِّ حَدِيثٍ بَعْدَهُ يُؤْمِنُونَ
( 50 ) Na antonaa i tothol, ko oriyan angkai a Qor´an, i pharatiyayaan iran?
