Mëranaw Guro Alim Saromantang
Surah Al-Qiyamah ( The Resurrection ) - Aya count 40
لَا أُقْسِمُ بِيَوْمِ الْقِيَامَةِ
( 1 ) 
Pzapa Ako sa ibt ko alongan a qiyamah;
وَلَا أُقْسِمُ بِالنَّفْسِ اللَّوَّامَةِ
( 2 ) Go pzapa Ako sa ibt ko niyawa a pphanginsoya (ka pagoyagn kano dn).
أَيَحْسَبُ الْإِنسَانُ أَلَّن نَّجْمَعَ عِظَامَهُ
( 3 ) Ba aya tarima on o manosiya na di Ami dn khatimo so manga tolan iyan?
بَلَىٰ قَادِرِينَ عَلَىٰ أَن نُّسَوِّيَ بَنَانَهُ
( 4 ) Oway, khagaga Mi a kathaong Ami pharoman ko manga kmr iyan!
بَلْ يُرِيدُ الْإِنسَانُ لِيَفْجُرَ أَمَامَهُ
( 5 ) Kna, ka kabaya o manosiya a kapmbaradosa niyan ko kasasangoran iyan;
يَسْأَلُ أَيَّانَ يَوْمُ الْقِيَامَةِ
( 6 ) Iphagiza iyan o: "Anda i kaphakatalingoma o alongan a qiyamah?"
فَإِذَا بَرِقَ الْبَصَرُ
( 7 ) Na amay ka mabrg so kaylay,
وَخَسَفَ الْقَمَرُ
( 8 ) Go nggarahana so olan,
وَجُمِعَ الشَّمْسُ وَالْقَمَرُ
( 9 ) Go matimo so alongan ago so olan,
يَقُولُ الْإِنسَانُ يَوْمَئِذٍ أَيْنَ الْمَفَرُّ
( 10 ) Matharo o manosiya sa alongan oto a: "Anda i khapalagoyan?"
كَلَّا لَا وَزَرَ
( 11 ) Da dn oto! ka da a khalindongan!
إِلَىٰ رَبِّكَ يَوْمَئِذٍ الْمُسْتَقَرُّ
( 12 ) Sobo so Kadnan ka sa alongan oto i kapthaknaan.
يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ
( 13 ) Panotholn ko manosiya sa alongan oto so miniona niyan ago so minipakawri niyan.
بَلِ الْإِنسَانُ عَلَىٰ نَفْسِهِ بَصِيرَةٌ
( 14 ) Kna, ka so manosiya i zaksi ko ginawa niyan,
وَلَوْ أَلْقَىٰ مَعَاذِيرَهُ
( 15 ) Na apiya i inibgay niyan a manga dalina iyan.
لَا تُحَرِّكْ بِهِ لِسَانَكَ لِتَعْجَلَ بِهِ
( 16 ) Ding ka pkhaoga sa sabap rkaniyan (a Qor´an) so dila aka makapantag sa kaphagalokaloking ka on.
إِنَّ عَلَيْنَا جَمْعَهُ وَقُرْآنَهُ
( 17 ) Mataan! a sii Rkami so katimo iyan, ago so kapphangadi iron:
فَإِذَا قَرَأْنَاهُ فَاتَّبِعْ قُرْآنَهُ
( 18 ) Na igira a piyangadian Ami skaniyan, na kdgang ka so kiyapangadi iron;
ثُمَّ إِنَّ عَلَيْنَا بَيَانَهُ
( 19 ) Oriyan iyan na mataan! a sii Rkami so kapakarayaga on.
كَلَّا بَلْ تُحِبُّونَ الْعَاجِلَةَ
( 20 ) Sabnar a kna, ka pkhababayaan iyo so (doniya a) matag sagad,
وَتَذَرُونَ الْآخِرَةَ
( 21 ) Go ipmbagak iyo so akhirat.
وُجُوهٌ يَوْمَئِذٍ نَّاضِرَةٌ
( 22 ) Adn a manga paras sa alongan oto a mamakataid, -
إِلَىٰ رَبِّهَا نَاظِرَةٌ
( 23 ) A maylay ran so Kadnan iran;
وَوُجُوهٌ يَوْمَئِذٍ بَاسِرَةٌ
( 24 ) Go adn a manga paras sa alongan oto a khipakaiibi,
تَظُنُّ أَن يُفْعَلَ بِهَا فَاقِرَةٌ
( 25 ) Maggda iran a adn a pnggolawlaan kiran a margn.
كَلَّا إِذَا بَلَغَتِ التَّرَاقِيَ
( 26 ) Sabnar a amay ka isampay (so niyawa) ko manga tolan ko bakrng;
وَقِيلَ مَنْ ۜ رَاقٍ
( 27 ) Na matharo a: "Antawaa i pamomotar?"
وَظَنَّ أَنَّهُ الْفِرَاقُ
( 28 ) Na miyatangkd iyan a mataan! a skaniyan so kapakapngganata (o niyawa ago so badan);
وَالْتَفَّتِ السَّاقُ بِالسَّاقِ
( 29 ) Na milapis so margn ko isa a margn:
إِلَىٰ رَبِّكَ يَوْمَئِذٍ الْمَسَاقُ
( 30 ) Sii bo ko Kadnan ka sa alongan oto so khandodan!
فَلَا صَدَّقَ وَلَا صَلَّىٰ
( 31 ) (Skaniyan) Na da pangimbnar, go da zambayang!
وَلَٰكِن كَذَّبَ وَتَوَلَّىٰ
( 32 ) Na ogaid na tomiyaplis, go tomiyalikhod!
ثُمَّ ذَهَبَ إِلَىٰ أَهْلِهِ يَتَمَطَّىٰ
( 33 ) Oriyan iyan na somiyong ko pagtaw niyan a zasagola!
أَوْلَىٰ لَكَ فَأَوْلَىٰ
( 34 ) So kabinasa a rk ka; na miyakarani (hay miyongkir)!
ثُمَّ أَوْلَىٰ لَكَ فَأَوْلَىٰ
( 35 ) Oriyan iyan na so kabinasa a rk ka, na miyakarani!
أَيَحْسَبُ الْإِنسَانُ أَن يُتْرَكَ سُدًى
( 36 ) Ba aya tarima on o manosiya na imbagak sa kandaraynon?
أَلَمْ يَكُ نُطْفَةً مِّن مَّنِيٍّ يُمْنَىٰ
( 37 ) Ba da mabaloy skaniyan a malmk a mani a pkhipantos?
ثُمَّ كَانَ عَلَقَةً فَخَلَقَ فَسَوَّىٰ
( 38 ) Oriyan iyan na mimbaloy a rogo a mimbathik, na inadn o Allah go pithaong Iyan sa tarotop;
فَجَعَلَ مِنْهُ الزَّوْجَيْنِ الذَّكَرَ وَالْأُنثَىٰ
( 39 ) Na biyaloy Niyan skaniyan a ngganapa: mama ago babay.
أَلَيْسَ ذَٰلِكَ بِقَادِرٍ عَلَىٰ أَن يُحْيِيَ الْمَوْتَىٰ
( 40 ) Ba di giyoto i phakagaga sa kawyaga Niyan ko miyamatay?
