Mëranaw Guro Alim Saromantang
Surah Al-Ma'arij (The Ways of Ascent ) - Aya count 44
سَأَلَ سَائِلٌ بِعَذَابٍ وَاقِعٍ
( 1 ) 
Piyangni o miyangni a so siksa na makatana,
لِّلْكَافِرِينَ لَيْسَ لَهُ دَافِعٌ
( 2 ) Ko miyamangongkir, da a phakarn on,
مِّنَ اللَّهِ ذِي الْمَعَارِجِ
( 3 ) Phoon ko Allah a Khirk ko pphangapapanikan.
تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ
( 4 ) Pphanik so manga malaikat go so Jibril sii Rkaniyan, sii ko alongan a miyabaloy so diyangka iyan a lima polo nggibo ragon.
فَاصْبِرْ صَبْرًا جَمِيلًا
( 5 ) Na phantang ka sa kaphantang, a maliwanag.
إِنَّهُمْ يَرَوْنَهُ بَعِيدًا
( 6 ) Mataan! a siran na aya kapkhaylaya iran on na mawatan,
وَنَرَاهُ قَرِيبًا
( 7 ) Na aya kapkhaylaya Mi ron na marani:
يَوْمَ تَكُونُ السَّمَاءُ كَالْمُهْلِ
( 8 ) Sii ko alongan a mbaloy so langit a lagid o tiyonag a pirak,
وَتَكُونُ الْجِبَالُ كَالْعِهْنِ
( 9 ) Go mbaloy so manga palaw a lagid o bombol a marorodot,
وَلَا يَسْأَلُ حَمِيمٌ حَمِيمًا
( 10 ) Go di kayzaan o madazg so madazg iyan,
يُبَصَّرُونَهُمْ ۚ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ
( 11 ) A pkhaylay ran siran. Mapndingandingan o baradosa a: Oba niyan bo khirnding ko siksa sa alongan oto so manga wata iyan,
وَصَاحِبَتِهِ وَأَخِيهِ
( 12 ) Go so karoma niyan, go so pagari niyan,
وَفَصِيلَتِهِ الَّتِي تُؤْوِيهِ
( 13 ) Go so manga tonganay niyan a so mithitimo iyan,
وَمَن فِي الْأَرْضِ جَمِيعًا ثُمَّ يُنجِيهِ
( 14 ) Go so matatago ko lopa langon, oriyan iyan na sabtn skaniyan (o Allah).
كَلَّا ۖ إِنَّهَا لَظَىٰ
( 15 ) Di dn oto; ka mataan aya! a kadg,
نَزَّاعَةً لِّلشَّوَىٰ
( 16 ) A phlodas ko kobal ko olo!
تَدْعُو مَنْ أَدْبَرَ وَتَوَلَّىٰ
( 17 ) Pthawagn iyan so taw a tomiyalikhod go mimbarapaling,
وَجَمَعَ فَأَوْعَىٰ
( 18 ) Go miyanimo na miyamotal (sa tamok)!
إِنَّ الْإِنسَانَ خُلِقَ هَلُوعًا
( 19 ) Mataan! a so manosiya na inadn a tithiyakhaan, mala i inam,
إِذَا مَسَّهُ الشَّرُّ جَزُوعًا
( 20 ) Igira a miyasogat skaniyan o marata na dii khaminan;
وَإِذَا مَسَّهُ الْخَيْرُ مَنُوعًا
( 21 ) Na igira a miyasogat skaniyan o mapiya na simpnn iyan (ka di phammgay);
إِلَّا الْمُصَلِّينَ
( 22 ) Inonta so manga barasambayang,
الَّذِينَ هُمْ عَلَىٰ صَلَاتِهِمْ دَائِمُونَ
( 23 ) A so siran na so sambayang iran na tatatapn iran,
وَالَّذِينَ فِي أَمْوَالِهِمْ حَقٌّ مَّعْلُومٌ
( 24 ) Go siran na adn a matatago ko manga tamok iran a haq a mappnto (a so zakat),
لِّلسَّائِلِ وَالْمَحْرُومِ
( 25 ) A rk o pphamangni, ago so di phamangni a karrgnan,
وَالَّذِينَ يُصَدِّقُونَ بِيَوْمِ الدِّينِ
( 26 ) Go siran na bbnarn iran so alongan a kapamalas,
وَالَّذِينَ هُم مِّنْ عَذَابِ رَبِّهِم مُّشْفِقُونَ
( 27 ) Go siran na siran na so siksa o Kadnan iran na ikaalk iran,
إِنَّ عَذَابَ رَبِّهِمْ غَيْرُ مَأْمُونٍ
( 28 ) Mataan! a so siksa o Kadnan iran na da a somasarig sa kalpas iyan on,
وَالَّذِينَ هُمْ لِفُرُوجِهِمْ حَافِظُونَ
( 29 ) Go siran na siran na so manga ginawa iran na sisiyapn iran,
إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ
( 30 ) Inonta sii ko manga karoma iran, odi na so miyakhapaar o manga tangan iran, - ka mataan! a siran na da a paawing iran on,
فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ
( 31 ) Na sa taw a mamagingar sa salakaw roo na siran man na siran i manga malawani;
وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ
( 32 ) Go siran na siran na so manga sarig kiran, ago so diyandi kiran na sisiyapn iran,
وَالَّذِينَ هُم بِشَهَادَاتِهِمْ قَائِمُونَ
( 33 ) Go siran na siran na so kazasaksian iran na ipamamayandg iran,
وَالَّذِينَ هُمْ عَلَىٰ صَلَاتِهِمْ يُحَافِظُونَ
( 34 ) Go siran na siran na so sambayang iran na sisiyapn iran.
أُولَٰئِكَ فِي جَنَّاتٍ مُّكْرَمُونَ
( 35 ) Siran man i khatago ko manga sorga, a khisslaan siran.
فَمَالِ الَّذِينَ كَفَرُوا قِبَلَكَ مُهْطِعِينَ
( 36 ) Na antonaa so miyamangongkir a mapapantag ka a khilalangag.
عَنِ الْيَمِينِ وَعَنِ الشِّمَالِ عِزِينَ
( 37 ) Sii sa kawanan ago sa diwang a khokoliling siran?
أَيَطْمَعُ كُلُّ امْرِئٍ مِّنْهُمْ أَن يُدْخَلَ جَنَّةَ نَعِيمٍ
( 38 ) Ba maiinam o oman i isa kiran a kapakasolda on ko sorga a pakadarandang?
كَلَّا ۖ إِنَّا خَلَقْنَاهُم مِّمَّا يَعْلَمُونَ
( 39 ) Di dn oto! Mataan! a Skami na inadn Ami siran phoon ko nganin a katawan iran (a notfa)!
فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ
( 40 ) Na kna, ka pzapa ako sa ibt Ako Kadnan o manga sbangan, ago so manga sdpan, ka mataan! a Skami na titho a manga Gaos,
عَلَىٰ أَن نُّبَدِّلَ خَيْرًا مِّنْهُمْ وَمَا نَحْنُ بِمَسْبُوقِينَ
( 41 ) Sa kasambi Ami sa mapiya a di siran; go da Rkami i ba Kami ran kaonai.
فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ
( 42 ) Na botawaning ka siran ko kapphamrak iran, go mabibimban siran, taman sa mithmo iran so alongan iran a so ididiyandi kiran!
يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ
( 43 ) Alongan a mamakambowat siran phoon ko manga kobor sa manga gagaan, lagid o ba siran pphamagarabaya ko apasa,
خَاشِعَةً أَبْصَارُهُمْ تَرْهَقُهُمْ ذِلَّةٌ ۚ ذَٰلِكَ الْيَوْمُ الَّذِي كَانُوا يُوعَدُونَ
( 44 ) A khipakassnong so manga kaylay ran, a kakokoloban siran sa kahinaan. Giyoto man so alongan a so siran na ididiyandi kiran!
