Mëranaw Guro Alim Saromantang
Surah Al-Mutaffifin (Those Who Deal in Fraud) - Aya count 36
وَيْلٌ لِّلْمُطَفِّفِينَ
( 1 ) 
Sangat a siksa a bagian o manga palilimpang:
الَّذِينَ إِذَا اكْتَالُوا عَلَى النَّاسِ يَسْتَوْفُونَ
( 2 ) Siran na igira a miyakipagasad siran ko manga manosiya na pphakitarotop siran,
وَإِذَا كَالُوهُمْ أَو وَّزَنُوهُمْ يُخْسِرُونَ
( 3 ) Na igira a piyagasadan iran siran odi na pithimbangan iran siran na pphangorang siran.
أَلَا يَظُنُّ أُولَٰئِكَ أَنَّهُم مَّبْعُوثُونَ
( 4 ) Ba di tatangkda o siran oto a mataan! a siran na pagoyagn siran,
لِيَوْمٍ عَظِيمٍ
( 5 ) Sii ko alongan a lbi a mala:
يَوْمَ يَقُومُ النَّاسُ لِرَبِّ الْعَالَمِينَ
( 6 ) A so alongan a kapakatindg o manga manosiya sa hadapan o Kadnan o manga kaadn?
كَلَّا إِنَّ كِتَابَ الْفُجَّارِ لَفِي سِجِّينٍ
( 7 ) Gnki ran, ka mataan! a so kitab o manga baradosa na khatago dn ko Sijjin, -
وَمَا أَدْرَاكَ مَا سِجِّينٌ
( 8 ) Na antawaa i miyakandao rka o antonaa i Sijjin?
كِتَابٌ مَّرْقُومٌ
( 9 ) Kitab a sosoratan.
وَيْلٌ يَوْمَئِذٍ لِّلْمُكَذِّبِينَ
( 10 ) Sangat a siksa sa alongan oto a bagian o miyamangongkir,
الَّذِينَ يُكَذِّبُونَ بِيَوْمِ الدِّينِ
( 11 ) Siran na oongkirn iran so alongan a kapamalas.
وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ
( 12 ) Na da a phagongkir on a rowar ko oman i malawani, a baradosa!
إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ
( 13 ) Igira a pphangadian on so manga ayat Ami na gii niyan tharoon a: "Manga iringa a manga kabokhag o miyangaoona!"
كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا يَكْسِبُونَ
( 14 ) Sabnar, a kna ka mithaab ko manga poso iran so pinggalbk iran (a dosa)!
كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ
( 15 ) Sabnar, a mataan! a siran sa alongan oto na kharnding siran dn ko Kadnan iran:
ثُمَّ إِنَّهُمْ لَصَالُو الْجَحِيمِ
( 16 ) Oriyan iyan na mataan! a siran na makasold siran dn ko naraka Jahim;
ثُمَّ يُقَالُ هَٰذَا الَّذِي كُنتُم بِهِ تُكَذِّبُونَ
( 17 ) Oriyan iyan na tharoon (kiran) a: "Giyaya so inongkir iyo skaniyan."
كَلَّا إِنَّ كِتَابَ الْأَبْرَارِ لَفِي عِلِّيِّينَ
( 18 ) Sabnar, a mataan! a so kitab o miyamaratiyaya na khatago dn ko Illiyon,
وَمَا أَدْرَاكَ مَا عِلِّيُّونَ
( 19 ) Na antawaa i miyakandao rka o antonaa i Illiyon? -
كِتَابٌ مَّرْقُومٌ
( 20 ) Kitab a sosoratan,
يَشْهَدُهُ الْمُقَرَّبُونَ
( 21 ) Zasaksi an oto o manga rarani (ko Allah).
إِنَّ الْأَبْرَارَ لَفِي نَعِيمٍ
( 22 ) Mataan! a so miyamaratiyaya na khatago dn ko pakadarandang;
عَلَى الْأَرَائِكِ يَنظُرُونَ
( 23 ) Sii ko manga kantir, a gii siran mbabantabantay,
تَعْرِفُ فِي وُجُوهِهِمْ نَضْرَةَ النَّعِيمِ
( 24 ) Masasarinong ka ko manga paras iran so sigay o kadarandang;
يُسْقَوْنَ مِن رَّحِيقٍ مَّخْتُومٍ
( 25 ) Pphamakainomn siran ko soti a arak, a paparkatn:
خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ
( 26 ) Aya parkat iyan na kastori na makapantag saya na pamagarabaya so pphamagarabaya (ko kapangongonotan ko Allah)
وَمِزَاجُهُ مِن تَسْنِيمٍ
( 27 ) Go sasaogan oto sa Tasnim:
عَيْنًا يَشْرَبُ بِهَا الْمُقَرَّبُونَ
( 28 ) Bowalan, a phaginomn oto o manga rarani (ko Allah).
إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ
( 29 ) Mataan! a so manga baradosa na aya btad iran na gi iran ikhakala so miyamaratiyaya (sii sa doniya),
وَإِذَا مَرُّوا بِهِمْ يَتَغَامَزُونَ
( 30 ) Go igira a siyagadan iran siran na gii siran khkrata;
وَإِذَا انقَلَبُوا إِلَىٰ أَهْلِهِمُ انقَلَبُوا فَكِهِينَ
( 31 ) Go igira a miyakandod siran ko manga taalok kiran, na makandod siran a pkhababaya siran;
وَإِذَا رَأَوْهُمْ قَالُوا إِنَّ هَٰؤُلَاءِ لَضَالُّونَ
( 32 ) Go igira a miyailay ran siran, na tharoon iran: "Mataan! a siran aya na titho a miyangadadadag,"
وَمَا أُرْسِلُوا عَلَيْهِمْ حَافِظِينَ
( 33 ) A kna a ba siran siyogo a khisisiyap kiran.
فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ
( 34 ) Na sa alongan aya na siran a miyamaratiyaya na ikhakala iran so manga kapir:
عَلَى الْأَرَائِكِ يَنظُرُونَ
( 35 ) Sii siran ko manga kantir, gii siran mbabantabantay.
هَلْ ثُوِّبَ الْكُفَّارُ مَا كَانُوا يَفْعَلُونَ
( 36 ) Ino minibalas ko manga kapir so pinggolawla iran?
